Markering av Johannes og Tarjei sin VM-innsats!

Fredag 8.juli kl.1200 er alle velkomne til Stryn kulturhus for å markere dei flotte VM-resultata til Johannes Thingnes Bø og Tarjei Bø.

Brørne Bø skal heidrast av både ordførar, fylkesordførar, idrettslag, skiskyttarkrins og idrettsråd - og andre som ønskjer å ta del i arrangementet.

Markeringa vil føregå i foajeen i kulturhuset. Her vert det også underhaldning i form av musikalske innslag, vi skal mimre litt tilbake til VM, det blir talar og overrekkingar. Etter sjølve markeringa vert det også servering av kaffi og kake.

Her er alle som vil hjarteleg velkomne!