Geilo 22-23.11.2014:

9. og 18. plass til Johan Eirik Meland og Jarle Midthjell Gjørven på sprinten i DNB-cup 1

Johan Eirik Meland vart nummer 9 i det første løpet i DNB-cup 1. Foto: Team Statkraft Nordfjord, 2014

Det vart ei fin opning for Johan Eirik Meland og Jarle Midthjell Gjørven i det første løpet i DNB-cup. Begge gjorde ein god innsats på skytinga med fullt hus på liggjande og ein bom på ståande. I mål heldt det til ein 9. plass for Johan Eirik , 1 min 4 sek etter vinnaren medan Jarle vart nummer 18, 1 min 24 sek etter vinnaren. Heilt til topps i dag gjekk Vetle Ravnborg Gurigard frå Vingrom medan Kristoffer Langøien Skjelvik frå Os vart nummer to. Berre 0,9 sek skilde dei to fremste som begge skaut feilfritt. Tredjeplassen gjekk til Thomas Fenne frå Voss som var 23,1 sek etter med ein bom.

På fellesstarten søndag vart det ikkje fullt så bra resultat for våre løparar. Med fire bom både for Jarle og Johan Eirik vart det ein 48. plass til Jarle (4 min 56 bak vinnaren) og ein 55. plass til Johan Eirik ( 6 min 7 sek etter vinnaren). Vinnar av fellesstarten vart Vetle Sjåstad Christensen frå Geilo IL. Andreas Dahlo Wærnes Trondhjems Skiskyttere vart nummer to og Håvard Gutubø Bogetveit frå Førde IL vart nummer tre.

Resultatliste for DNB Cup 1 menn senior Geilo 22.11.2014. 

Resultatliste DNB cup 1 Geilo menn fellesstart Dato 23.11.2014.