Hovudlandsrennet på Røros, 17.-19.02.2012:

Gaute Bø på bronselaget i miksstafett.

+

Medaljelaga på miksstafetten under Hovudlandsrennet på Røros. Gull til Vestfold/Telemark, sølv til Buskerud og bronse til Sogn og Fjordane. Sogn og Fjordane sitt lag gjekk Inga Elise Nybø Vik, Gaute Bø og Jørgen Ringdal Sæter. Foto: Røros IL

Markane IL var representert med to løparar under Hovudlandsrennet på Røros 17.-19.februar. Gaute Bø deltok i klassen for gutar 15 år med Georg Halsteinslid deltok i gutar 16 år. Dei beste resultata kom på stafettane søndag. Gaute Bø var med på miksstafettlaget som oppnådde bronsemedalje saman med Inga Elise Nybø Vik og Jørgen Ringdal Sæter. Georg Halsteinslid gjekk første etappe på Sogn og Fjordane II i klassa G15/16. Dette laget enda til slutt på 18.plass av tilsaman 30 lag.

På normaldistansen og sprinten vart plasseringane litt lenger ned på lista etter at det ikkje vart fulltreff på standplass.  Gaute kom på høvesvis 101. og 87.plass medan Georg plasserte seg på 71. og 79.plass.

Fullstendige resultatlister er lagt ut nedanfor.

Resultatliste sprint Hovudlandsrenn Røros 17.02.2012

Resultatliste normaldistanse Hovudlandsrenn Røros 18.02.2012

Resultatliste stafett G15/16 Hovudlandsrennet Røros 19.02.2012

Resultatliste miksstafett Hovudlandsrennet Røros 19.02.2012