Vik 30.12.2012:

God innsats i Vikjasprinten 2012.

Markane IL sitt lag i klassa G 13-14, Simon Hjelmeset Kirkeeide og Aksel Mathias Meland (foto) kom på ein flott andreplass under Vikjasprinten 2012.

Simon og Aksel vann sitt innleiande heat i sprinten klart, og var dermed klare for A-finalen. I finalerunden var det svært jamnt mellom dei tre fremste laga. Til slutt gjekk sigeren til laget frå Syril IL, Robin Wathne Nedrehagen og Erlend Henjesand, med tida 10 min 43 sek. Markane IL sitt lag følgde like bak med sluttida 10 min 46. Tredjeplass gjekk til Førde IL ved Erik Johannesen Skrede og Brage Burø Sunde med tida 10 min 55 sek. I alt 11 lag deltok i klassa for G 13-14.

Markane IL hadde også eit jentelag på start i den yngste klassa for jenter 10 år og yngre. Emilie Flo Stavik og Maren Hjelmeset Kirkeeide leverte flott innsats i løypa og var i mål på 5 min 42 sek. I alt 46 lag deltok på årets "Vikjasprint".

Fullstendig resultatliste er lagt ut nedanfor:

Resultatliste Vikjasprinten 30.12.2012