Holmenkollen 3.3.2013:

Tarjei Bø med 7. plass på fellesstarten

Tarjei Bø var med i kampen om pallplassane heilt fram til siste skotet. Foto frå NRK.

 Tarjei Bø kom til slutt på 7. plass under fellesstarten i Holmenkollen. Sjansen til å kome på pallen i dagens løp rauk då det vart bom på det siste skotet på den fjerde skytinga.

Tarjei byrja dagens fellesstart med to fulle hus på dei liggjande skytingane. På den tredje skytinga  vart det ein bom. Tarjei gjekk likevel ut på ein femteplass med 28 sekund opp til leiaren. Inn til siste skyting hadde avstanden auka til 50 sekund. Med rask og feilfri skyting hadde Tarjei vore tilbake i kampen om pallplass, men med bom på siste skotet vart det for langt fram. I  mål heldt det til ein 7. plass. Vinnar av fellesstarten vart Ondrej Moravec frå Tsjekkia som klarte 19 av 20 treff. Martin Fourcade følgde på andreplass og Erik Lesser vart nummer tre.