Blinkfestivalen 3.8.2013:

Dobbeltsiger til Johannes Thingnes Bø og Tarjei Bø på sprinten!

Johannes Thingnes Bø og Tarjei Bø tok dobbeltsiger på sprinten under Blinkfestivalen i Sandnes. Arkivfoto: Inge Fænn/Fjordingen

Både Johannes Thingnes Bø og Tarjei Bø tok seg til finalen under sprinten på Blinkfestivalen i Sandnes.

Under finalen vart det Johannes som gjekk aller best og gjekk dermed heilt til topps. Han var i mål etter 7 min 8,6 sek. Tarjei Bø følgde på andreplassen 9,7 sekund etter Johannes. Martin Fourcade kom på tredjeplass.

Både Johannes og Tarjei skaut fullt på første skyting og gjekk dermed ut med ei lita leiing. Johannes fekk også fullt hus på andre skyting og gjekk ut 8,7 sek føre neste mann. Tarjei fekk ein bom på denne skytinga.

På den første ståande skytinga vart det ein bom både til Johannes og Tarjei kvar sin bom. Likevel gjekk dei ut som dei to første etter ei skyting der fleire bomma mykje. Inn til siste skyting skilde det omlag ein strafferunde mellom dei to. Også på den siste skytinga vart det ein bom på både Johannes og Tarjei. Dermed heldt Johannes leiinga heilt i mål og tok sigeren på dagens sprint. Alt tyder dermed på at det kan liggje an til ein svært spennande skiskyttarsesong i vinter.

Resultatliste frå Blinkfestivalen sprint rulleskiskyting menn senior 3.8.2013 

Vi gratulerer!