Universiaden Trentino 13.12.2013:

13. plass til Jarle Midthjell Gjørven på normaldistansen

Jarle Midthjell Gjørven kom på 13. plass i det første løpet under Universiaden. Foto: Team Statkraft Nordfjord, 2012

 Det vart 13. plass til Jarle Midthjell Gjørven Markane/Team Statkraft Lillehammer under det første løpet i Universiaden i Trentino. Skiskyttarane starta sine konkurransar under Universiaden med normaldistanse. Heile 63 løparar var på startstreken.

 Jarle gjekk eit jamnt godt løp. På skytingane vart det fullt hus på dei liggjande skytingane. På kvar av dei to ståande skytingane vart det eit tilleggsminutt på kvar. Det heldt til ein 13. plass til slutt 3 min 31 sek etter vinnaren Sergei Kliachin frå Russland. På andreplass, 1 min 31 sek etter vinnaren, følgde Aleksandr Mingalev også frå Russland. På tredjeplass kom Milanko Petrovic frå Serbia 1 min 39 sek bak.

Jarle vart med sin 13. plass best av dei norske løparane. Martin Rui vart nummer 20 og Asbjørn Wold nummer 24.

Neste løp for skiskyttarane i Universiaden er sprinten på søndag. Konkurransen kan følgjast direkte på Eurosport 2!

Resultatliste Universiaden Trentino normaldistanse menn 13.12.2013