Kategori

Alle innlegg Torsdag 26.august vert det nær-o-løp ved Sølvbergsstøylen. Løpet er lagsmeisterskap for Markane IL. (1) Torsdag 26.august vert det nær-o-løp ved Sølvbergsstøylen. Løpet er lagsmeisterskap for Markane IL. Start frå kl.1800. Her er det løyper for alle! (1) RSS

Arkiv

Januar 2024 (8) 2023 (26) 2022 (43) 2021 (21) 2020 (51) 2019 (60) 2018 (64) 2017 (93) 2016 (195) 2015 (214) 2014 (264) 2013 (266) 2012 (231) 2011 (201) 2010 (57) 2009 (59) 2008 (70) 2007 (60) 2006 (51) 2005 (68) 2004 (33) 2003 (14)

Sogn skisenter 25.01.2014:

Postet av Markane IL den 25. Jan 2014

2. plass til Simon Hjelmeset Kirkeeide på KM-sprint

Eskil Hov og Simon Kirkeeide. Foto: Margunn Hjelmeset

Det vart 2. plass til Simon Hjelmeset Kirkeeide på dagens KM sprint på Sogn skisenter. Her saman med KM-vinnar i klasse G14 Eskil Hov frå Kaupanger. Foto: Margunn Hjelmeset

Også i dag kom deltakarar frå Markane på pallen under KM i langrenn på Sogn skisenter. Dagens øving var sprint. Markane IL hadde to deltakarar med i KM-klassane frå 13 år og oppover. Simon Hjelmeset Kirkeeide kom på pallen også i dag. Han vart nummer to i klasse G14. KM-vinnar i denne klassa vart Eskil Hov frå Kaupanger medan Even Nesgård frå Fjellhug/Vereide tok tredjeplassen.

Aksel Mathias Meland hamna i dag like utanfor pallen etter å ha gått i mål som nummer fire i klassa for G15. KM-tittelen her gjekk til Erlend Henjesand frå Syril IL. Andreas Hetle frå Breimsbygda IL vart nummer to og Robin Wathne Nedrehagen frå Syril kom på tredje.

Også i klassane for dei som er for unge til å kjempe om KM-tittel var det god innsats av deltakarane frå Markane. I klassa J11 kom både Maren Hjelmeset Kirkeeide og Emilie Flo Stavik på pallen etter å ha gått i mål som nr 2 og 3 i finalen. Klassevinnar vart Ida Indrebø frå Jotun IL. Sigurd Fotland Fænn kom på 9. plass i klasse G12. Vinnar her vart Thristan Engebø Ullebø frå Førde IL. Sivert Heggheim Mannsverk frå Jotun vart nummer to og Oliver Bosdal Thorsen frå Førde IL vart nummer tre.

I dei urangerte klassane deltok Oddrun Hjelmeset Kirkeeide i klassa for jenter 9 år.

Anne-Marie Roset som går for Markane i skiskyting kom på andreplass i J14. Her som representant for IL Veten.

Resultatliste KM sprint 10 år og yngre Sogn Skisenter 25.1.2014

Resultatliste KM sprint 11 år og eldre Sogn Skisenter 25.1.2014

Maren Hjelmeset Kirkeeide og Emilie Flo Stavik. Foto: Margunn Hjelmeset

Maren Hjelmeset Kirkeeide og Emilie Flo Stavik har hatt ei flott helg i Sogn. I klasse J11 vart det 1. og 2. plass i fri teknikk fredag og 2. og 3. plass på sprinten. Foto: Margunn Hjelmeset

Oddrun Kirkeeide i fint driv på sprinten. Foto: Margunn Hjelmeset