Sogn skisenter 26.01.2014:

2.plass i KM klassisk til Simon Hjelmeset Kirkeeide

Også i dag vart det 2. plass til Simon Hjelmeset Kirkeeide i klasse G14. Denne gongen i KM-klassisk stil. Her saman med vinnaren Eskil Hov frå Kaupanger. Foto: Margunn Hjelmeset

KM-helga vart i dag avslutta med KM klassisk stil. Berre to deltakarar frå Markane på startstreken i dag, men dei gjorde det svært så bra.

Simon Hjelmeset Kirkeeide kom på pallen for tredje dag på rad då han gjekk inn til andreplass i klasse G14. Han var 21 sek bak vinnaren Eskil Hov frå Kaupanger IL. Even Vigdal frå arrangørlaget IL Bjørn følgde på tredjeplass, 43 sek bak vinnaren.

Også Aksel Mathias Meland gjorde eit fint løp i klassisk og gjekk inn til ein femteplass. Det skilde berre åtte sekund fram til ein pallplass. Vinnar av G15 var Brage Burø Sunde frå Førde IL. På andreplass, 10 sek bak, følgde Andreas Hetle frå Breimsbygda IL. Eirik Stedje frå Sogndal IL kom på tredjeplass 37 sek bak vinnaren.

Neste helg er det klart for Hyesprinten 2014.

Resultatliste KM klassisk 2014 Sogn Skisenter 26.1.2014