Voss 2.3.2014:

Simon Hjelmeset Kirkeeide og Oskar Guddal Breivik klassevinnarar på Voss

Sigurd Fotland Fænn vart nummer tre i klasse G12, Oskar Guddal Breivik vann klasse G12 medan Simon Hjelmeset Kirkeeide vann G14. Foto: Torstein Breivik

På dag 2 på Voss var det klart for fellesstart for klassane frå 13 år og oppover medan dei yngste gjekk sprint. Også i dag var åtte deltakarar frå Markane på startstreken.

I klasse G12 hamna begge våre på pallen. Oskar Guddal Breivik tok også i dag klassesigeren. Med berre ein strafferunde vann han klart. Han var 1 min 23 sek føre Eirik Hjartnes frå Hålandsdal som hadde to bom. Sigurd Fotland Fænn følgde like bak på tredjeplass. Han var  1 min 40 sek etter Oskar med fire rundar.

Også i klasse G14 gjekk klassesigeren til ein frå MIL, Simon Hjelmeset Kirkeeide heldt god fart i sporet og vann klassa sjølv om det vart totalt seks strafferundar. Næraste konkurrent Kjerand Kvelvane får Voss SSL følgde 39 sek bak med totalt fem rundar.

I klassa for gutar 15 år kom Magnus Arntsen på ein femteplass. Også han fekk totalt seks rundar på fellesstarten. Differansen opptil vinnaren var på 2 min 53 sek. Klassevinnar vart også i dag Johan Olav Smørdal Botn frå Stårheim IL. Med berre ein runde vann han klassa ganske suverent med heile 1 min 54 sek differanse til andremann.

I klassa for gutar 16 år vart det same rekkefølgje i dag som i går. Sigeren gjekk igjen til Matias Lote Henden frå Stårheim IL som gjekk raskt og berre skaut ein bom. Markarane plasserte seg på rekkje og rad. Andreas Halsteinslid vart nummer fire. Han var 1 min 23 sek etter vinnaren med totalt tre strafferundar. Håkon Midthjell Gjørven følgde på femteplass. Det vart totalt fem strafferundar, men med god fart i løypa var han likevel berre 1 min 37 sek bak vinnaren. Grim Nygård kom på sjetteplass berre fem sekund etter Håkon med totalt fire strafferundar.

I klasse M18 kom Georg Kristian Halsteinslid på ein tredjeplass. Totalt vart det i dag fem bom på dei fire skytingane på fellesstarten. I mål var Georg 32 sek bak vinnaren Endre Wold frå Vik IL. Arild Fosse frå Voss tok andreplassen 19 sek bak vinnaren.

Resultatliste for Sport 1 cup nr 9 Fellesstart skiskyting Voss 2.3.2014.pdf

Simon Hjelmeset Kirkeeide vann klasse G14. Her på pallen saman med Kjerand Kvelvane frå Voss IL og Håvard Heie Bjørndal frå Hålandsdal. Foto: Torstein Breivik

Klassevinnar i G12 Oskar Guddal Breivik saman med Monica V. Halsteinslid og Alf-Ole Arntsen. Foto: Torstein Breivik

Sigbjørn Fænn og Sigurd Fotland Fænn. Foto: Torstein Breivik

Oskar Guddal Breivik vel i mål. Foto: Torstein Breivik

Alf-Ole Arntsen, Magnus Arntsen og Sigbjørn Fænn. Foto: Torstein Breivik

Startfeltet i klasse J13, J14, G13 og G14. Foto: Torstein Breivik

Dagens klassevinnarar frå MIL: Simon Hjelmeset Kirkeeide og Oskar Guddal Breivik. Foto: Torstein Breivik

Pallen i G12: Nr 1 Oskar Guddal Breivik frå Markane IL, nr 2 Eirik Hjartnes frå Hålandsdal, nr 3 Sigurd Fotland Fænn frå Markane IL, nr 4 Erling Finden frå Vik IL, nr 5 Anders Aalvik Stranden frå Kvam,nr 6 Morten Aalvik Kvåle frå Kvam, nr 7 Øyvind Henanger Halvorsen frå Hålandsdal og Tore Jordal frå Odda IL. Foto: Torstein Breivik

Sigurd Fotland Fænn, Sigbjørn Fænn, Oskar Guddal Breivik og Simon Hjelmeset Kirkeeide. Foto: Torstein Breivik

Pallen i klasse G14: nr 1 Simon Hjelmeset Kirkeeide, nr 2 Kjerald Kvelvane frå Voss, nr 3 Håvard Heie Bjørndal frå Hålandsdal, nr 4 Erlend Solvang frå Hålandsdal. Foto: Torstein Breivik