God innsats på terrengløp i Hornindal.



Startfeltet i dei yngste guteklassane. Frå høgre: Anders Svarstad Hole frå Markane IL, Samuel Plasencia-Norlie frå Markane IL, Torje Seljeset frå Hornindal IL, Elias Myklebust frå Hornindal IL, Lukas Lødemel frå Hornindal IL, Mats Emil Olsen frå Hornindal, Mathias Ekblom Lillestøl frå Hornindal IL og Eldar Ekblom Lillestøl frå Hornindal IL. Foto: Aslaug Thingnes Bø.

Friidrettssesongen er i gong og fredag 25. april var 28 løparar frå Markane, Hornindal og Stryn samla til terrengløp med start på Hornindal stadion. Klassane til og med 12 år sprang 650 meter medan dei frå 13 år og oppover sprang 1,1 km.

Gaute Bø i klasse M17 fullførte den 1,1 km lange løypa på 3 min 32sek. Dette var dagens beste tid i langløypa delt med klassevinnarane Håvard Navelsaker (G15) og Ola Sætren (MV35-39).

I dei yngste klassane var fem av dei 19 deltakarane representantar for Markane IL. I klasse G11 var det ein jamn duell mellom Samuel Plasencia-Norlie og Anders Svarstad Hole. Samuel kom i mål på 2 min 35 sek medan Anders følgde seks sekund bak. Hedda Garlid Hilde deltok i J11 og var i mål på den gode tida 2 min 33 sek. Raskast av alle i den korte løypa var Emilie Flo Stavik i J11 som i denne samanhengen representerte Stryn T&IL.

I dei yngste urangerte klassane var Markane representert med Iselin Bø (J9) og Oda Svarstad Hole (J8).

Komplett resultatliste og fleire foto frå løpet nedanfor. Fotograf er Aslaug Thingnes Bø.

Resultatliste for terrengløp i Hornindal 25.4.2014





Startfeltet for jenteklassane opp til 12 år: Frå venstre: Oda Svarstad Hole frå Markane IL, Evelina Sætren frå Hornindal IL, Amalie Utvær Nesdal frå Hornindal IL, Sina Utvær Nesdal frå Hornindal IL, Iselin Bø frå Markane IL, Emma D. Lødemel frå Hornindal IL, Ingeborg Sætren frå Hornindal IL (skjult), Hedda Garlid Hilde frå Markane IL, Emilie Flo Stavik frå Stryn T&IL og Karoline Flo frå Stryn T&IL. Foto: Aslaug Thingnes Bø





Startfeltet for klassane frå 13 år og oppover. Frå venstre: Mariell Taraldset frå Hornindal IL, Julia Haugen frå Hornindal IL, Ola Sætren frå Hornindal IL, Gaute Bø frå Markane IL, Håvard Navelsaker frå Hornindal IL, Benjamin Hatlelid frå Hornindal IL, Magnar Lødemel frå Hornindal IL , Håvard Kroken frå Hornindal IL, Magnus Seljeset frå Hornindal IL, Daniel Brekke frå Stryn &IL (bakrekkja) og Andreas Flo Stavik frå Stryn T&IL . Foto: Aslaug Thingnes Bø

1. og 9. plass til laga frå Markane i Oldenstafetten.

Markane Fri Stil vann open klasse i Oldestafetten 2014. Frå venstre: Margunn Hjelmeset, Ingrid Meland, Andreas Halsteinslid, Bernard Hole og Gaute Bø. Foto: Aslaug Thingnes Bø

 Markane hadde to lag på start då den 60. Oldestafetten vart arrangert søndag.

Markane Fri Stil tok sigeren i open klasse. Med på laget var Margunn Hjelmeset, Ingrid Meland, Andreas Halsteinslid, Bernard Hole og Gaute Bø. Markane stilte også med eitt lag i guteklassen. Dette laget kom på 9. plassen. Laget bestod av Eskil Kveen, Anders Svarstad Hole, Odd Sindre Tonning, Aksel Mathias Meland og Samuel Plasencia-Norlie.

Totalt 28 lag deltok i årets stafett. Hyen IL gjekk til topps både i gute- og herreklassa medan Hornindal IL vann jenteklassa med ny løperekord. GFIL vann også i år dameklassa. Veteran damer vart vunnen av Hornindal og veteran herrer vart vunnen av Jølster.

I tillegg til dei 28 laga i den ordinære Oldestafetten vart det også sju lag som stilte opp i ministafetten. Her var Mari Sofi Meland og Sara Annie Bjørnhaug Årnes var på lag saman og sprang to etappar kvar. Oda Svarstad Hole og Oddrun Hjelmeset Kirkeeide deltok også på kvar sitt lag.

Komplett resultatliste for Oldestafetten her:

Resultatliste for Oldestafetten 2014 Dato 27.4.2014

 

Markane sitt gutelag i Oldenstafetten. Frå venstre: Eskil Kveen, Anders Svarstad Hole, Odd Sindre Tonning, Aksel Mathias Meland og Samuel Plasencia-Norlie. Foto: Aslaug Thingnes Bø

 

INNBYDING TIL TERRENGLØP

Det vert terrengløp i Hornindal fredag 25. april. Start kl 17.30.

 

Kr 50,- pr. deltakar. Premiering. 

 

Oppmøte ved skytterhuset på Ytrehorn. Garderobar i Honndalshallen kan nyttast. Gangavstand frå hallen til skyttarhuset.

 

Løypa startar ved skytterhuset, går på asfaltveg mot Lillestøl, grusveg mot gangbrua ved skulen og vidare gjennom hagecampen ved elva tilbake til skytterhuset.

 

Distanse: ca 625 m for dei yngste og 1250 m for dei eldste. 

 

Meld frå til Aslaug Thingnes Bø på e-post aslaugtb@gmail.com eller tlf 400 40 325 om du vil vere med, så melder vi på samla!

 

 

Alle velkomne!

 

Påmelding til Oldenstafetten.

Friidrettssesongen nærmar seg og vi er klar for Oldenstafetten 27. april.

Dei som er medlemar i fleire friidrettslag, må velje kven dei vil støtte i konkurransar! Dette valet gjeld då for heile sesongen.

Markane kjem ikkje til å tilby friidrettstrening så dermed vert Stryn eit naturleg val for mange.

På Oldenstafetten kan Markane greie å stille med 1-3 gutelag, 1 jentelag, 1 lag i veteran herre og eit eller fleire lag i open klasse.

Alderen for å delta på jente- eller gutelag er 11-16 år.

Meld frå til Aslaug Thingnes Bø på e-post aslaugtb@gmail.com eller tlf 400 40 325 snarast (og seinast påskeafta) om du har lyst til å vere med!

Alle velkomne!